Ka përfunduar dy takime të rëndësishme parapërgatitore për takimin e nesërm të madh ndërmjet palës kosovare dhe asaj serbe në Washington. Në pjesën e parë të takimit ishte i pranishëm edhe Këshilltari për Siguri Kombëtare i Shtëpisë së Bardhë Robert O?Brein dhe i dërguari i Presidentit Trump për dialogun Richard Grenell. Pas takimit Kryeministri i Kosovës, Avdullah Hoti, ka thënë se janë bërë hapa të mëdhenj drejt përmbylljes së marrëveshjes me Serbinë.
?Nesër presim ta finalizojmë gjithë këtë angazhim që kemi pasur tash e sa kohë. Informata më në detaje do të kemi nesër pas përmbylljes. Një gjë mund të them, që marrëveshje të dëmshme e të papranueshme për Kosovën asnjëherë s?kanë ardhur e nuk do të vijnë nga Shtëpia e Bardhë. Kemi bërë progres të madh në çuarjen përpara në bashkëpunimin ekonomik. Nuk është shtruar çështja e kufijve as nuk do të shtrohet asnjëherë. Ju do të shihni nesër marrëveshje sepse kështu është dakordimi?, ka thënë Hoti në një konferencë për media pas takimeve.
Presidenti i Serbisë, Aleksandër Vuçiç ka paralajmëruar se mund të ketë marrëveshje finale, por sipas tij, kjo nuk do të jetë për njohje reciproke.
Nëse do të arrijmë të shtyjmë para edhe ca gjëra të vogla do të isha i kënaqur. A do t?ia dalim, këtë nuk mund të them citohet të ketë thënë Vuçiç për mediat serbe.
Këshilltari për Siguri Shtetërore në Shtëpinë e Bardhë O?Brein ka thënë se Serbia dhe Kosova kanë bërë përparime në dialogun mes dy vendeve.
Nesër pritet të zhvillohet takimi final, por ende nuk është konfirmuar nëse në këtë takim do të marrë pjesë ose jo presidenti amerikan Donald Trump.
Takimi në Washington ishte paraparë të mbahej më 27 Qershor, por ishte anuluar pas publikimit të aktakuzës nga prokuroria e Gjykatës Speciale ndaj presidentit Hashim Thaçi për t?u ricaktuar takimi i 4 Shtatorit.
Tv Klan
SUBSCRIBE to ?RTV KLAN? on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/
